سكيكدة يامَحْلاها

سلّمْ عليها وابدَأ من "البُورْ" **** "طريقْ ليزالي" و"الفُوبُورْ"
سلّمْ لي علَى "بنْ حُوريّه" **** "ليزوليفْيي" و"القُبيّه"
"بالُو" و"الـ 700 " و"السِيسَالْ" **** و"الـ 500 " دايْما في البَالْ. (1)

وفي "لاسيَا" ريحَة لَجدَادْ **** والله يَرحَم سَهْرَاتْ "الوَادْ" (2)
حُبي الأول فيها بادِي **** مع يمّى وبابا يا اسيادِي.
"بوالكروَه" "الماتْش" و"الزرامْنَا" **** وربي يَرحَم أهْل "زفزافْنَا" (3)
"كامِي" "الـ 20 أوتْ" و"مرج الديبْ" **** والله يرحم "سيد علي الديبْ".

سلامي عا "الكُور" "حومَة الطليانْ" **** "طلعَة الحبْس": دروج وبيبانْ
"السْويقه" "بلاغْ" "سبع بيارْ" **** "بويعلى" "بني مالك" "باطوارْ"
وجبَل "بُوعَبّازْ" عَسّاسْهَا **** يستنّى الغايَبْ منْ نَاسْهَا.
" " " " "
بابُور وبحرْ فوقُه غيُومْ **** وحُوتَه عذْرا في شَطُّه تعُومْ
هذي "سكيكدة" يامَحْلاها **** "روسيكادا" عروستْنَا اليُومْ

مشككككككككككككوووووووور
أبيات حلوة

روووووووووووووعة

اجمل ماسمعت من الشعر الله الله الله يا سكيكدة يا زينة الولايات .

سكيكدة فيها تربينا وكبرنا و عمرنا ماننسوها ديما في قلوبنا و منقدروش نعيشو بلا نورها.نحبك يا سكيكدة

سكيكدة الباهية